జియోపోస్ట్‌పెయిడ్ ప్లస్‌తో నెట్‌ఫ్లిక్స్, అమెజాన్ ప్రైమ్, డిస్నీ+ హాట్‌స్టార్ ఫ్రీ

పోస్ట్ పెయిడ్ కనెక్షన్ తీసుకోవాలనుకునేవారికి రిలయెన్స్ జియో అదిరిపోయే ఆఫర్స్ ప్రకటించింది. జియోపోస్ట్‌పెయిడ్ ప్లస్‌ ధన్ ధనా ధన్‌ ద్వారా ఏఏ ఆఫర్స్ పొందొచ్చో తెలుసుకోండి.

రిలయెన్స్ జియో మరో అద్భుతమైన ఆఫర్స్ ప్రకటించింది. జియోపోస్ట్‌పెయిడ్ ప్లస్‌ ధన్ ధనా ధన్‌ను ప్రకటించింది. కనెక్టివిటీ, ఎంటర్‌టైన్‌మెంట్, ఎక్స్‌పీరియెన్స్‌లో జియోపోస్ట్‌పెయిడ్ యూజర్లకు సుపీరియర్ సేవలు లభించనున్నాయి. జియోపోస్ట్‌పెయిడ్ ప్లస్‌లో కస్టమర్లకు అనేక అద్భుతమైన సేవలు లభించనున్నాయి. ఎంటర్‌టైన్‌మెంట్ ప్లస్‌లో భాగంగా నెట్‌ఫ్లిక్స్, అమెజాన్ ప్రైమ్, డిస్నీ+ హాట్‌స్టార్ సబ్‌స్క్రిప్షన్ ఉచితం. 650పైగా లైవ్ టీవీ ఛానెల్స్, వీడియో కంటెంట్, 5 కోట్ల పాటలు, 300 పైగా న్యూస్ పేపర్స్‌తో పాటు జియో యాప్స్ ఉచితంగా వాడుకోవచ్చు. ఇక ఫీచర్స్ ప్లస్‌లో భాగంగా మొత్తం కుటుంబానికి ఒకరికి రూ.250 చొప్పున ఫ్యామిలీ ప్లాన్ తీసుకోవచ్చు. డేటా రోల్ ఓవర్ 500 జీబీ వరకు లభిస్తుంది. ఇక ఇండియాలో, విదేశాలకు వైఫై కాలింగ్ ఉచితం. ఇక ఇంటర్నేషనల్ ప్లస్ సేవల్లో భాగంగా విదేశాలకు వెళ్లే భారతీయులకు మొదటిసారిగా ఇన్ ఫ్లైట్ కనెక్టివిటీ లభిస్తుంది. యూఎస్ఏ, యూఏఈ దేశాలకు ఉచితంగా ఇంటర్నేషనల్ రోమింగ్ కాల్స్ చేసుకోవచ్చు. కేవలం ఒక్క రూపాయికే ఇండియా కాలింగ్ పేరుతో వైఫై కాలింగ్ ద్వారా ఇంటర్నేషనల్ రోమింగ్ సర్వీస్‌ పొందొచ్చు. ఐఎస్‌డీ కాల్స్ నిమిషానికి 50 పైసలు మాత్రమే. ఇక ఎక్స్‌పీరియెన్స్ ప్లస్ ద్వారా ప్రస్తుతం జియోలో క్రెడిట్ లిమిట్ కొనసాగించొచ్చు. మీ నెంబర్ మార్చకుండా పోస్ట్‌పెయిడ్‌కు మారొచ్చు. ఉచితంగా హోమ్ డెలివరీ, యాక్టివేషన్ లాంటి సేవలున్నాయి. జియోపోస్ట్‌పెయిడ్ ప్లస్‌ కస్టమర్లకు ప్రీమియం కాల్ సెంటర్ సర్వీస్ లభిస్తుంది. జియోపోస్ట్‌పెయిడ్ ప్లస్ ప్లాన్స్ రూ.399 నుంచి ప్రారంభం అవుతాయి.